Sehar e Roshni episode 12
written by sirraha…
Subah se raat ho chuki thi, aur vo abhi bhi apne kamre ke gate se tikii bethi thi.Fatima Begum ne use kai baar aawaz di, magar usne darwaza nahi khola. Aakhir me Fatima ne bhi haar maan li.
Raat ke lagbhag aath baj rahe the jab use phone pe notification ki aawaz sunai di.Usne bedili se nazar dali, par phir vo nazar hata nahi payi.
Screen pe ek message tha — kisi unknown number se.
Usne kanpte haathon se phone uthaya aur message khola.
Kisi ne use kuch tasveeren bheji thi.
Usne unhe dekha… aur phir vo sun ho gayi.
“To ye wajah thi…”Uske labon se bas itna nikla.Photo me vo aur Daniyal the — beach pe.Photo side se li gayi thi, jisme Daniyal ne Sehar ki kalai pakad rakhi thi.
Agar photo samne se hoti, to saaf dikh jaata ki usne uska haath zabardasti pakda tha.Magar side angle se kuch samjha nhi ja sakta tha.
Tabhi ek aur notification aaya — “Pictures kaisi lagi family ko? Pasand to aayi na?”
Aur Sehar samajh gayi… uske saath kya hua hai.
“Daniyal ko pata tha papa Mumbai aaye hain… par kaise? Ye koi coincidence nahi ho sakta.Ussi din dono beach pe bhi the, aur photo bhi usne li… Iska matlab….Ye sab pre-planned tha.
Lekin use kisne bataya ki papa Mumbai aaye hain?Aur sabse pehle, kisne bataya ki main yahan hoon?”
Uske hothon se bas itna nikla —“Allah… main kis musibat me phas gayi hoon.”Achanak uske zehan me papa ka khayal aaya.
“Papa… papa kaise honge abhi?”Usne apni maa ka number dial kiya, par call karne ki himmat nahi hui.
Uske zehan me unki baatein goonjne lagi.Uske chehre pe dard aur thakan ke nishaan the. Usne apne chacha ka number milaya.Dil me ek chhoti si ummid thi — vo phone jarur uthayenge.
Teesri ring pe call utha li gayi.
“Hello, chachu…”
“Kaun?” — samne se Ferwa ki aawaz aayi.
“Chachi… main… main Sehar.
Papa kaise hain?”
“Tujhe isse kya matlab? Aur aage se yahan call mat karna.”
“Nahi chachi… please… bas itna bata dijiye, papa theek hain na?”
“Mar gaya tera baap tere liye. Ab bas kar — aur aage se kabhi phone mat karna.”Ferwa ne kadwahat bhare lehze me keh kar call kaat diya.
“Chachi please… please chachi…”Vo roti hui phone se lagkar bolti rahi.Phir vo wahi farsh par gir gayi — aansuon me bheegti hui.
Darwaze pe dastak hui to usne bina dekhe lock khol diya.Usne ser nhi uthaya bas roti rhi.
“Sehar…”Fatima Begum ki naram aawaz uske kaano me padi.Vo uske paas aake farsh par baithi.
“Tere papa bilkul theek hain, tu tension mat le.”Sehar ne apni bhigi aankhon se unhe dekha aur unke gale lag gayi.
“Na…nu… Nanu… maine kuch nahi kiya.Aap mummy se kehna na… maine kuch nahi kiya.Vo photo asli nahi hai…”Vo bacchon ki tarah ro rahi thi,aur Fatima uske baalon me haath ferte hue use dekhti rhi.
“Mera baccha me janti hu.. ye jo kuch bhi horha he ye shi nhi horha.lekin tu mujhe bata to shi baat kya he taki me tere maa baap ko samjha saku.”
“Aap mera yakeen karoge” usne masumiyat se ser uthake unse pucha.”
Hn kyun nhi karungii tu meri sehar he mujhe tujhpe yakeen he”.
“Nanu mere school me ek ladka padhta tha…”aur fir usne unhe sab sach batadiya .Jab vo bta ke chup huyi to fatima ko dekh use ghabrahat hui vo use hi khamoshi se dekh rhi thi
.”Nanu dekhe me manti hu meri”.lekin isse pehle ki vo kuch bolti fatima ne use apne gale laga liya .
“Meri bacchi ne itna kuch saha , tune mujhe bataya kyun nhii “.
“Me kese batati nanu mujhe dar tha aap bhi mujhe chodh deti”.
“Dekh tu dar mat .me tere sath huu me baat karungi tere maa baap se abhi bas kuch din ke liye intezar kar zahid ki tabiyat theek ho jane de.” Unhone uske ser ko chuma.
“Nanu vo mujhe maaf kardenge ?”
“Hn kyun nhi karenge tu befikar hoja” Ab sehar ka dil todha halka hogya tha.
“Chal me tere liye kuch khane ko lekar aati hu “.
“Nahi mera man nhi he “.
” Chupchap bethjaa “. Sehar muskuradi. Use dekh fatima ke chere per bhi muskan aagyi.
Aur fir vo khana lene niche chali gyi.Sehar jo unke aage theek hone ki koshish kar rhi thii uske chere ki muskan achanak hi gayab hogyi. Vo bas ek baat soch rhi thi .
” Danial ko mere ghar ki details kese pta lagri he, agr ye waqai vo kar rhi he to me use chodhungi nhi”.Tabhi fatima aajati he unke hath me khane ki tray hoti he , Vo apne hatho se sehar ko khana khilane lagti he magar sehar todha sa kha kar hi mana kardeti he.
Sehar samne lagi ghadi me time dekhti he
“11:30”.”Nani mujhe beach pe jana he .
” Sehar ne bola to fatima ne foran mana kar diya.”
“Nahi beta itni raat ko to bilkul nahi”
“Pls nani mera man halka hojaega vhan pe “. Fatima ne shuru me bohot mana kiya magar akhir me uski maan hi li.
“Accha me chalu tere sath “.
“nahi nanu me kuch wakt ke liye akele rehna chati hu”.
“Tu subeh se hi to akeli thi is kamre me ” fatima ko abhi bhi uska is waqt akele jana theek nhi lag rha tha.
“Accha to ye piche hi jana me balcony me hi rahungi ” unhone uske kandho pe chadar dalte hue bola . Sehar ne hn me ser hila diya.
“Raat ke barah baj rahe the. Poora beach khamosh tha, sirf lehron ki goonj aur hawa ka shor sunai de raha tha. Door kahin ek do lights chamak rahi thi, kuch dur chand log bhi the.
Samne paani me chand ka aks nazar aarha tha .Sehar apne ghar ke just piche hi aayi thi . Use whan se fatima begum balcony me bethi saaf dikhayi derhi thi.Vo vhi bethgyi aur kuch sochne lag gyi . Ghutno me ser diye uske zehan me maazi ke waqiye chal hi rhe hote he ki use piche se kisi ke chalne ki aawaz aati he .
AUR VO HAAL ME LOUT AATI HE .Vo apne hath me bandii ghadi me wakt dekhti he
‘sade teen ‘. Vo kabse yhan bethi hui thi use pta hi nhi laga.Piche se aati aawaz ab bagal me aagyi thi usne piche mudke us taraf dekha . Andhere me ek wajud chalta hua uski tarf aarha tha. Jyada Roshni na hone ke bais use jyada kuch theek se dikha nhi bas us shaqs ki aankhen jo chand ki roshni me chamak rhi thi . Un ankhon ko dekh sehar apni nazre nhi hata payi.
“Hazel green eyes”. Vo wajud uske pass agya tha .magar uski nazre ab bhi uski naqab se chalakti ankhon pe tiki thi.
“Tum is wakt yhan kya kar rhi ho”.
To be continue.
Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.