SIRF TU CHAHIYE (GHAZAL) BY ANEEQA SHOAIB
Mujhy tu kisi aur se behtar nahi chahiye
Mujhy tu bas tu chahiye
Na tera husn na teri shohrat na tera koi kamaal chahiye
mujhy teri woh aadat chahiye jo mujhy sab se zyada kharab karti hai
Log kehte hain mohabbat mein insaan ko behtar hona chahiye
mujhy to tujhse mohabbat karke bas tera aur zyada talabgaar hona chahiye
Aur agar is ishq ki saza tanhaai hai
to phir mujhy woh saza bhi manzoor hai
bas us saza ke har lamhe mai
tu chahiye
Mujhy tera saath kisi mehfil mai nahi chahiye
mujhy tera saath meri khamoshiyon mai chahiye
Na logon ke saamne tera haath chahiye
na duniya ko dikhane ke liye tera naam chahiye
mujhy jab sab chale jaayen na
tab darwaze ke us paar
sirf tera intezaar chahiye
Aur agar kabhi mujhse poocha jaaye
ke zindagi se aakhri khwahish kya hai
to mai sab kuch bhool kar
sirf itna kahungi
mujhy bas tu chahiye
Mujhy tera milna bhi nahi chahiye
agar tere milne ke baad tujhe khona hai
Mujhy tera wada bhi nahi chahiye
agar kal tujhe woh todna hai
Mujhy tera ishq bhi nahi chahiye
agar us ishq mai kisi aur ka hissa hai
Mujhy aadhi mohabbat se zyada
poori tanhaai pasand hai
Magar ek baat hai
agar tu mera ho sakta hai
to phir mujhy duniya ki koi khushi nahi chahiye
mujhy bas tu chahiye
Logon ko mujh mai jo pasand hai
mujhy woh sab tujh mein nahi chahiye
Mujhy teri khoobsurti ka koi hisaab nahi chahiye
mujhe teri woh aankhein chahiye
jin mai main apna ghar dhoond sakun
Mujhy tera behtareen roop nahi chahiye
mujhe tera woh roop chahiye
jo duniya se chhupa kar rakhta hai
Tu apni saari kamiyan le aa
apni saari khamoshiyan le aa
apne saare dar le aa
apne sare dukh le aa
mujhy tujhe theek nahi karna
mujhy bas tujhe chahna hai
itna chahna hai ke tu khud hi theek hojai
Mujhy mohabbat ka iqraar nahi chahiye
mujhy tera inkaar bhi manzoor hai
Bas itna karna
kabhi mere naam se guzro
to ek pal ko ruk jaana
Mujhy apna kehna zaroori nahi
lakin kuch to hun na woh kuch zaroor kehna
mujhy yaad rakhna bhi zaroori nahi
bas meri mohabbat ko
itna bekaar mat samajhna
ke woh tujhe chah kar bhi
tujhe bhool jaaye
Main bhool bhi gayi to kya
Mai kese bhool skti hun tujhy
dil ko kaun samjhaye
use to aaj bhi bas tu chahiye
Mujhy tera woh pyaar nahi chahiye
jo har kisi ko naseeb ho jaaye
Mujhy woh pagalpan chahiye
jo sirf mere naam se tera ho
Na phool chahiye na tohfe
na lambe waade chahiye
mujhe bas itna chahiye
ke jab duniya tujhe thaka de
Aur jab mujhse poocha jaaye
ke tumne ishq mein kya paaya
to main muskura kar kahun
kuch nahi… bas tu chahiye tha
Tujhe paana meri khwahish hai
or tujhy paa kr duniya ko Bata skun
muhabbat hasil ko bhi hasil kti hai
magar tujhe badal kar nahi
Tu jaisa hai waisa hi reh
mujhy tu wesa hi chahiye
thoda ziddi thoda khamosh
thoda beparwah thoda mera
Mujhy tera har andaaz manzoor hai
bas us mein mera naam baaqi rehna chahiye
Aur agar kabhi duniya kahe
ke tu mere laayak nahi
to duniya ko keh dena
mohabbat laayak nahi dekhti
mohabbat bas apna shakhs dekhti hai
Mujhy tere saath zindagi nahi chahiye
agar zindagi mein tu khush nahi
Mujhy tera haath nahi chahiye
agar woh majboori mein pakda ho
Mujhy tera waqt nahi chahiye
agar tera dil kahin aur ho
Mujhy tera jhoota saath nahi chahiye
magar tera to door jaana bhi
mujhse bardasht nahi hota
Ajeeb ishq hai mera
tujhe azaad bhi dekhna chahta hai
aur phir bhi
har dua mein bas tu chahiye
Mujhe koi aisa nahi chahiye
jo mujhe duniya ki sab se haseen ladki kahe
Mujhe woh chahiye
jo meri udaasi dekh kar
bina pooche samajh jaaye
Jo meri khamoshi ko
meri narazgi na samjhe
Jo mere “kuch nahi hua” mein
mera sab kuch padh le
Mujhy koi mukammal shakhs nahi chahiye
mujhy koi aisa chahiye
jiske saath meri adhoori si duniya bhi
mukammal lage
Yani mujhy bs tu chahiye
Mujhy tu kal bhi chahiye
mujhy tu aaj bhi chahiye
aur agar kal tu mera na hua
to kal ki khwahish bhi nahi chahiye
Mujhe teri qurbat ki aadat hai
teri awaaz ki talab hai mujhy
teri mojoodgi ka nasha hai mujhy
Tu mile to bhi tu
tu na mile to bhi tu
Meri mohabbat ki inteha poochoge
to main bas itna kahungi
mujhy kuch bhi nahi chahiye
MUJHY SIRF TU OR SIRF TU HI CHAHIYE